Një autobus me udhëtarë ka rrëshqitur nga rruga kryesore duke u rrotulluar anash rrugës. Ngjarja ka ndodhur mbrëmjen e sotme në fshatin Cërnillë të Ferizajt.
Një autobus është aksidentuar në Ferizaj rreth orës 18:50 dhe si pasojë e kësaj një person është lënduar.
Policia po e cilëson këtë rast si vetaksident.
Rastin e ka konfirmuar zëdhënësi i Policisë së Kosovës për rajonin e Ferizajt, Kanun Veseli.
Ai ka thënë se vetaksidenti ka ndodhur pasi autobusi ka rrëshqitur.
“Një autobus i udhëtarëve me targa vendore ka shkaktuar vetaksident (ka rrëshqitur) me këtë rast është lënduar një person”, ka thënë Veseli
Tutje ai ka shtuar se i lënduari është dërguar në Qendrën Emergjente në Ferizaj.
“Njësitet e Policisë janë në vendin e ngjarjes, po e hetojnë rastin”, ka thënë Veseli
Kosova është përfshirë mbrëmë e sot nga një mot me borë dhe ngrica.
Për shkak të mospastrimit të rrugëve nga bora, në shumë rrugë është vështirësuar qarkullimi.