Ferizaj-Policia e Kosovës njofton se ka arrestuar dy persona në Ferizaj të shtunën, me dyshimin se janë përleshur mes vete, e njëri prej tyre e ka sulmuar edhe nënën e tij.
Siç njofton Policia, dy vëllezër janë rrahur mes vete dhe më pas njëri nga të dyshuarit ka sulmuar fizikisht nënën e tij.
“Janë arrestuar dy të dyshuar meshkuj kosovar nën dyshimin se janë përleshur fizikisht mes vete dhe njëri nga të dyshuari ka sulmuar fizikisht nënën e tij, viktimën femër kosovare. Njëri nga të dyshuarit ka pranuar tretman mjekësor”, thuhet në raportin 24-orësh të Policisë.
Me vendim të prokurorit dy të dyshuarit pas intervistimit janë dërguar në mbajtje.