Deputeti i Partisë Demokratike të Kosovës, Bekim Haxhiu ka theksuar se gjykatësi nuk ka pasur guximin që të dënoj kryetarin e LVV-së, Visar Ymerin dhe deputetin e kësaj partie, Rexhep Selimi. Ai ka thënë se gjykatësi kishte frikë për t’i dënuar. Sipas tij, kishte presion ndaj drejtësisë nga ana e VV-së, siç ishte djegia e veturës së kryetarit të Gjyatës Themelore në Prishtinë, raporton Gazeta Blic. Sipas tij, gjyqtari ka re pre e frikësimeve sistematike të Vetëvendosjes. “Kërkoj që Besart Bujupi të lirohet. Ai ka qenë personi më i pafajshëm. Edhe me Kanun më shumë dënohet nxitësi, sesa që ai që e kryen punën”, tha ai në “Interaktiv” të KTV-së, raporton Gazeta Blic. Ai ka thënë se rastin ka mundur ta zgjidhte edhe në forma tjera. Ai ka thënë se gjyqtari i rastit do të përballet me Komisionin Disiplinor për këtë rast./ Gazeta Blic