Qendra për Aftësime Profesionale në Ferizaj, gjatë këtyre ditëve ka mbajtur punëtori të shumta me nxënësit maturant të komunës sonë, për t’i njoftuar nga afër me trajnimet të cilat bëhen në këtë qendër.
Fatmire Salihu-drejtore e kësaj qendre, ka thënë se këto punëtori janë shumë të nevojshme për maturantët ferizajas në mënyrë, që ata të kenë të gjitha njohuritë për kurset të cilat ofrohen në këtë qendër, e që në të ardhmen vendet e punës i kanë të sigurta.
Tash për tash në Qendrën e Aftësimeve Profesionale ofrohen këto trajnime: kuzhinë, zdrukthëtari, mirëmbajtës objekti, ndërtimtari, ngrohje qendrore, ujësjellës e kanalizim, saldues, instalues elektrike, teknologji informative , administrim biznese si dhe hoteli.