Këtë të Hëne, më 4 Nëntor 2019, Qendra Këshilluese “Këshillimi” organizon marshin “Nëntori- muaji I vetëdijesimit kundër substancave narkotike”
Ky organizim është përkrahur edhe nga shoqëria civile në Ferizaj dhe do të filloj ditën e Hënë nga Teatri Adriana me fillim në ora 12:00.
Me këtë qëllim dhe për të hapur muajin e vetëdijesimit kundër narkotikëve në Ferizaj, dje u mbajt edhe Konferenca “Nëntori – muaj i vetëdijesimit kundër substancave narkotike” organizuar nga Qendra e Këshillimit “Këshillimi”, mbështetur nga Komuna e Ferizajt.
Gjatë këtij aktiviteti rruga “Dëshmorët e Kombit” nga Teatri Adriana e deri te hyrja në sheshin”Adem Jashari” do të jetë e bllokuar dhe nën mbikëqyrjen e policisë.
Organizatorët kërkojnë nga qytetarët që të kenë mirëkuptim dhe ti shfrytëzojnë rrugët alternative deri në përfundim të marshit vetëdijesues.
Pritet që në këtë marsh të marrin pjesë një numër i madh i qytetarëve ferizajas për sensibilizimin dhe ngritjen e vetëdijes për dukuritë negative që po rrezikojnë të rinjtë tanë.