Të njohur për përparësitë që ofrojnë, veçanërisht për familjarët, me thellësinë graduale të ujit dhe morinë e shërbimeve, plazhet e Durrësit mbeten nga më të frekuentuarit në vend, raporton TCh.
Por, ende pa nisur mirë sezoni turistik, për shkak edhe të motit të paqëndrueshëm të këtij muaji, dy gra kanë humbur jetën në det, duke nxjerrë në pah nevojën e rojeve të plazhit dhe pikave të shërbimit shëndetësor sa më pranë pushuesve.
“Vetëm po të shpëtuan njerëzit që janë pranë teje në det. Policë ka sa të duash, por roje bregdetare nuk ka”, thonë pushuesit.
Në plazh kullat metalike të vrojtimit nuk janë më. Kanë përfunduar për skrap, ndërsa ato të drunjtat janë bosh. Presin rojet e plazhit. Prania e tyre dhe e pikave shëndetësore janë një element i rëndësishëm për sigurinë e shëndetit dhe jetës së pushuesve në bregdet.
The post Pushuesit në Durrës të pasigurt pa roje plazhi appeared first on Lajminet.