Piktorja e re në moshë, por mjaft e talentuar në profesionin e saj znj. Adelina Bega, dje para artdhashësve të shumtë në Galerinë e Arteve në Ferizaj, hapi ekspozitën e parë personale.
Këtë ekspozitë piktorja Bega e ka realizuar gjatë studimeve të saj Bachelor dhe Master në Fakultetin e Arteve në Prishtinë. Në këtë ekspozitë për të folur rreth krijimtarisë së autores dhe të ekspozitës së paraqitur para artdashësve ferizajas, z. Olgert Ragiplari-drejtor i Qendrës Kulturore “Asa” në Tiranë theksoi vlerën që ka kjo ekspozitë e piktores ferizajase, e cila është mjaft premtuese në të ardhmen Znj. Adelina Bega.
Më pas ekspozitën e shpalli të hapur Drejtori i Galerisë së Arteve në Ferizaj z. Skender Bedriu, i cili ishte njëkohësisht edhe organizatori kryesor i kësaj ekspozite. Për një fjalë përshëndetëse për ekspozitën ishin edhe znj.
Emanuela Ndrecaj – kuratore e ekspozitës nga “Infinity Art” në Prishtinë dhe piktori ferizajas në mërgim z. Gani Bytyqi. Në fund të ekspozitës ishte e rezervuar një befasi ndaj piktores Bega, ngaqë Qendra Kulkturore “Asa” e shpalli ambasadore nderi znj. Adelina Bega për kontributin dhënë ndaj Qendrës Kulturore “Asa”, poashtu znj. Adelina Bega është anëtare e “Infinity Art” nga Prishtina.
Ekspozita do të qëndron e hapur deri në fund të muajit tetor në Galerinë e Arteve të Ferizajt, çdo ditë pune!.