Grejpfruti është i njohur si fryt i mbushur me veti antibakteriale. Ai është i pasur me vitamina C, A, B, D e E, gjithashtu përmban edhe kalcium, fosfor, magnez, mangan, zink, hekur etj. Pak gllënka të kësaj pije pas bukës, djegin thuajse gjysmën e kalorive që keni fituar gjatë ngrënies. “Pija magjike” ka efekte shëruese edhe në sëmundjet kardiovaskulare dhe hipertension.
Veç këtyre, grejpfruti përmban një numër të lartë të përbërësve që i ndihmojnë trupit të njeriut të luftojë të ftohtin dhe është vërtetuar që parandalon lloje të ndryshme të kancerit dhe sëmundjeve të zemrës.
Receta e kësaj pije magjike:
Përbërësit: Një grejpfrut i madh
Një lugë gjelle mjaltë
Ndajeni grejpfrutin më dysh, i cili preferohet të jetë i ftohtë dhe futni dy pjesët bashkë me mjaltë në mikser dhe përzieni derisa të bëhet lëng i pijshëm.
Kjo pije magjike përmban elemente si: Pektinë – që kontribuon për heqjen e kolesterolit të tepërt. Gjithashtu e zvogëlon nivelin e insulinës në gjak dhe e stabilizon metabolizmin. Likopen – që ndihmon në luftimin e substancave të dëmshme në trup.