Mesditën e sotme, Nënkryetari i Komunës së Ferizajt, Lulzim Aliu, shoqëruar edhe nga drejtori i Shërbimeve Publike dhe Emergjencë, Arben Halili dhe drejtori i infrastrukturës, Meriton Hajdini, me prezencën edhe të Ministres së Ekonomisë, Artane Rizvanolli dhe Zv.Shefes së Zyrës së BE-së AnnaCarin Platon, përuruan punimet e kryera në renovimin e tërësishëm të objektit të zjarrfikësve në Ferizaj, investim ky i Komunës së Ferizajt në kuadër të projekteve për efiçiencë të energjisë si dhe bashkëpunimit me Fondin e Efiçiencës së Energjisë.
Të pranishmit në këtë përurim, përveç kushteve më të mira të punës që tashmë janë krijuar për zjarrfikësit, theksuan përpjekjen e rëndësinë e këtij projekti financuar nga Komuna, që shpalos qasjen e pushtetit lokal, në pikëpamje të politikave për efiçiencën e energjisë.