Hero i Kombit, Ramadan Rexhepi-Adidasi dhe Dëshmori i Kombit Imri Halili, janë përkujtuar sot me respekt në 21 vjetorin e rënies në altarin e Lirisë.
Edhe pse kohë pandemie dhe kufizim i qarkullimit sot nuk u harruan ata që për lirinë e Kosovës dhanë më të shtrenjtën.
Ish eprorë të UÇK-së, bashkëluftëtarë dhe familjarë të Dëshmorëve të Kombit, Ramadan Rexhepi-Adidasi dhe Imri Halili kanë vendosur kurora me lule pran varreve të tyre në varrezat e Dëshmorëve në Ferizaj.
“U bënë 21 vjet që nga rënia heroike e dëshmorëve të kombit, komandantit Ramadan Rexhepi dhe bashkëluftëtarit Imri Halili. Ata ranë heroikisht në ballë të zhvillimit të luftimeve në betejën e Jezercit, në betejën heroike të Ushtrisë Çlirimtare të Kosovës për lirinë dhe pavarësinë e Kosovës. Lavdi e përjetshme jetës dhe veprës së dëshmorëve të kombit!” ka thënë Elmi Reçica, ish eprori i lartë i UÇK-së, Zona e Nerodimes dhe deputet i Republikës së Kosovës.