Talentet shqiptarë, të cilët kanë lindur në diasporë, tani kanë rastin të tregojnë cilësitë e tyre me të rinjtë e Kosovës, para se të kalojnë në ekipin A.
Përmes një postimi në sajtin zyrtar të Federatës së Futbollit të Kosovës, është bërë e ditur se Kombëtarja e Kosovës e grupmoshës U-19 do të organizojë një kamp stërvitor treditor me futbollistë të lindur në vitin 1999 në Diasporë.
FFK ka bërë të ditur se të interesuarit për pjesëmarrje në këtë tubim duhet të aplikojnë deri më 15 nëntor. FFK kërkon nga aplikuesit që në emailin e tyre zyrtar (u-17@ffk-kosova.com) t’u dërgohet një CV e futbollistëve të rinj.
Sipas FFK-së, grumbullimi do të mbahet në Kosovë, më 22, 23 dhe 24 nëntor.
.