Pas hapjes së shumë nëndegëve në Zvicër, Partia Demokratike e Kosovës po vazhdon shtrirjen edhe në shtete të tjera ku ka shqiptarë.
Këtë herë, PDK ka themeluar Këshillin për Organizimin e Partisë Demokratike të Kosovës për North Rhine-Westphalia, prej 39 anëtarësh.
Lajmin e ka bërë të ditur deputeti nga radhët e PDK–së, Elmi Reçica.
“Fuqizohet organizimi i PDK-së në Gjermani. Sot, themeluam Këshillin për Organizimin e Partisë Demokratike të Kosovës për North Rhine-Westphalia, prej 39 anëtarësh. Kryetar u zgjodh, Mentor Shehu.Suksese e punë të mbarë!” ka shkruar deputeti Reçica.