Një pastruese serbe dyshohet se për muaj të tërë në mënyrë të përsëritur i kishte vjedhur të holla në banesë një plake 73-vjeçare në Vien Landstrasse, në Vjenë të Austrisë. Sipas policisë austriake, pastruesja 52-vjeçare gjithnjë kur kishte dalë nga banesa e plakës, kishte marrë me vete dia qindra euro.
“Besimi ishte shumë i madh në gruan nga Serbia. Çdo muaj ajo vinte për t‘ia pastruar banesën e 73-vjeçares. Por, pensionistja pasanike kishte vërejtur se që nga marsi i vitit 2015 paratë e saj janë duke u zhdukur”, shkruan krone.at, përcjell albinfo.ch.
Të mërkurën, derisa pastruesja ishte duke e pastruar banesën, policia e kishte gjithë banesën në vëzhgim. Asaj ia kishin lënë 800 euro në banes për ta sprovuar nëse i merr.
Gruaja bie në sprovë dhe i merr të hollat. Derisa ajo ishte duke dalë nga banesa, policia për krime e ndalon atë dhe ia gjen paratë. Ajo ka pranuar se i kishte marrë paratë si huazim nga plaka, por kishte harruar ta njoftojë paraprakisht.