Boksieri filipinas Manny Pacquiao ka fituar kundër Timoti Bradlei me vendim unanim të gjyqtarëve, ndërsa ka konfirmuar më pas se ky është meçi i tij i fundit.
Tre gjyqtarët e takimit i dhanë fitoren filipinasit me rezultat 116-110 në meçin e mbrëmshëm të zhvilluar në Las Vegas, raporton BBC.
“I kam premtuar familjes time se do të pensionohem pas këtij takimi”, ka thënë Pacquiao.
Filipinasi 37 vjeçar, e rrëzoi dy herë Bradlein, në rundin e shtatë dhe të nëntë. Të rikujtojmë se Pacquiao gjatë karrierës së tij 21 vjeçare, kampion bote është shpallur në tetë kategori të ndryshme.
Ai karrierën e mbyll me 58 fitore dhe 6 humbje. /Gazeta Blic/