Presidenti i Aleancës Kosova e Re (AKR), Behgjet Pacolli, ka pritur në shtëpinë e tij këngëtarin e njohur Labinot Tahirin-Labin. Pacolli në profilin e vet në “Facebook”, ka shkruar se me Tahirin janë pajtuar për shumë gjëra. “Mbrëmë kisha nderin dhe kënaqësinë e madhe të pres në shtëpinë time këngëtarin dhe humanistin e njohur Labinot Tahiri. Në jetën time gjithmonë me kanë pëlqyer njerëzit e sinqertë, humanë dhe me ide të ndryshme. Me Labin mbrëmë u pajtuam me shumë gjëra. Ai brengoset shumë për qytetarët e Kosovës. Unë e di që me vullnet dhe punë të madhe, Kosova do të jetë një ditë ajo që ne të gjithë duam të shohim. Na priftë e mbara!”, ka shkruar Pacolli.