Këshilli Evropian në një draft dokument të publikuar ka dhënë konkluzione pozitive për Shqipërinë dhe Maqedoninë lidhur me hapjen e negociatave. Këshilli i Europës planifikon që t’i hapë negociatat me këto dy vende në qershor të 2019. Zëvendëskryeministri i Kosovës,njëherësh ministri i Punëve të Jashtme të Kosovës, Behgjet Pacolli ka uruar këto dy vende, derisa ka shkruar se edhe Kosova do të marrë lajmin pozitiv për liberalizimin e vizave shumë shpejt, transmeton Indeksonline. “Urime Shqipërisë dhe Maqedonisë për vendimin pozitiv për hapjen e negociatave. Edhe Kosova do të marrë lajmin pozitiv për liberalizimin e vizave shumë shpejt”, ka thënë Pacolli./Indeksonline/