Kreu i AKR-së, Behgjet Pacolli, përmes një statusi në facebook, ka reaguar ndaj dokumentarit “Shtabi i Milionerëve”.
Ai tha se atij iu deshën 35 vite për të arritur milionin e parë, kurse sipas tij, anëtarët e Shtabit të Milionervve e kanë krijuar pa hasur në ndonjë vështirësi.
Lexoni statusin e tij të plotë.
“Të dashur miq,
Duke shikuar në Internet pashë edhe një herë emisionin investigativ “Shtabi i Milionerëve”.
Me siguri shumë qytetarë kanë pyetur si ka ndodhur ky pasurim i shpejtë i këtyre politikanëve që përmendeshin në atë emision. Këta paskan qenë dikur në shtabe lufte, që për qytetarët ishin si sinonim i së mirës dhe krenarisë patriotike kombëtare. Tash këta njerëz qenkan në një shtab tjetër, shtab milionerësh. Pra, paska ndërru edhe objektivi i luftës, luftë për miliona.