AAK dje ka përkrahur këtë ligj, ndërsa Nitaj ka thënë se kjo tregoi që kundërshtimi i demarkacionit nuk po bëhet për pushtet, siç thonë Presidenti e Kryeministri.
Ai në një postim në rrjetin social Facebook ka shkruar se qeveria mbrëmë e ka sjell një ligj të mirë, i cili nuk u kundërshtua por u mbështet nga partia opozitare AAK.
“Qeveria, pas dështimit të parë, e solli një ligj të mirë për Trepçën dhe ai, këtë herë nuk u kundërshtua nga deputetët e AAK-së, përkundrazi ata e votuan”
“Dmth nuk paska qenë puna për pushtet, siç thotë Presidenti e Kryeministri, sa herë dështojnë ta shtyjnë një projekt të tyre!”
“Kaq e thjeshtë është edhe puna e demarkacionit! Mjafton që “Trojka e pushtetit” ta duan të vetën, si në rastin e Trepçës, dhe gjithçka do të votohet po kaq lehtë”, ka shkruar Nitaj.
.