Përveç riparimit të rrugëve do të bëhet edhe nivelimi i pusetave të kanalizimeve nëpër rrugët ku ato janë dëmtuar. Kjo ndërhyrje, sipas drejtorit të Shërbimeve Publike, Sabajet Cengu, është bërë në rrugët kryesore dhe në lagjen e re të qytetit, ku është dëmtuar asfalti.
Ndërkohë, Bashkia Kukës vazhdon punën për mirëmbajtjen e rrugëve rurale dhe përgatitjen e tyre për sezonin e dimrit. Sipas një programi të detajuar pune, ndërhyrje do të ketë në kanalet anësore të rrugëve dhe mbushje me çakull në ato pjesë që është e nevojshme.
Puna do të vijojë gjatë gjithë sezonit të verës, për shkak të kushteve favorizuese të motit. /TCH/