Drejtoria e Bujqësisë dhe Pylltarisë në Ferizaj, nisi punimet në projektin për hapjen e kanaleve ujore për të evituar vërshimet në tokat e punueshme dhe në dëmet që sjellin vërshimet për të mbjellat.
Drejtori i kësaj Drejtorie, Burim Bajrami i cili ishte për të parë punimet tha se me këtë projekt që është planifikuar të zgjas 3 vite për hapjen e kanaleve kulluese për tokat bujqësore, në masë të madhe do të mbrohen tê mbjellat në tokat e punueshme nga vërshimet eventuale që mund të ketë, duke qenë kështu masë parandaluese e në ndihmë të bujqve e fermerëve ferizajas.