Organizata e Veteranëve të Luftës së UÇK-së – dega Ferizaj përmes një njoftimi ka bërë të ditur se nesër me homazhe tek varrezat e Dëshmorëve, vizitë tek vendi i rënies në fshatin Slivovë dhe tek shtatorët do të përkujtohen Dëshmorët e Kombit Driton Islami-Toni dhe Sadik Bega-Murtaja
FTESË PËR HOMAZHE DRITON ISLAMI – TONI & SADIK BEGA – MURTAJA
Të nderuar bashkëqytetarë, familjarë të Dëshmorëve të Kombit, Invalidë dhe Veteranë të UÇK-së, në 20 vjetorin e rënies heroike të Dëshmorëve të Kombit, Driton K. Islami – Toni dhe Sadik M. Bega – Murtaja, ftoheni nesër 18.04.2019 (e enjte) ora 10:00, në homazhe në Varrezat e Dëshmorëve të Kombit të UÇK-së në Ferizaj.
Pas homazheve do të i bëjmë vizitë vendit të rënies në fshatin Slivovë, gjithashtu do të bëjmë nderime tek Sheshet/Shtatoret e Dëshmorëve.
Ardhja juaj nderon gjakun, veprën dhe sakrificën e dëshmorëve për liri. Lavdi jetës dhe veprës së Dëshmorëve!
Sinqerisht, Kryesia e OVL-UÇK – dega Ferizaj!