Nesër në Ferizaj do të mbahen garat automobilistike të cilat organizohen nga Federata e Auto-sporteve të Kosovës.
Me këtë rast do të ketë ndërprerje të përkohshme të qarkullimit të automjeteve në një segment të rrugës “Brahim Ademi”.
Komuna e Ferizajt përmes një njoftimi ka bërë të ditur se nesër (E dele, 27 Tetor 2019) duke filluar prej orës 11:00 deri ora 16:00 rruga urbane “Brahim Ademi” , pikërisht segmenti rrugor nga Qendra e Inovacionit (Afër teatrit Adriana) e deri te kryqëzimi me rrethrrotullimin afër kazermës së FSK-së, do të jetë I mbyllur për qarkullim të trafikut për të gjitha automjetet.
Ndërprerja e përkohshme e qarkullimit të trafikut në këtë segment të rrugës urbane “Brahim Ademi” do të bëhet për arsye se Federata e Auto-sporteve të Kosovës do të organizojë garën rrethore automobilistike në kuadër të Kampionatit të Kosovës.
Rrugët alternative të cilat mund të përdoren deri në përfundimin e kësaj gare automobilistike janë, rruga rreth Stacionit policor, rruga urbane “Ismet Sopa”, rruga urbane “Haxhi Sejda” e cila ka dalje në rrugën “Brahim Ademi” , rruga urbane “Parku I Lirisë” dhe rruga urbane e “UÇK”-së
Përmes këtij njoftimi nga qytetarët kërkohet mirëkuptim dhe luten që ti shfrytëzojnë rrugët alternative deri në përfundim të kësaj gare automobilistike.
Garat dhe qarkullimi i automjeteve gjatë gjithë kohës do të jenë në monitorim të policisë së Ferizajt