Ferizaj.18.01.2017. Nesër, në përvjetorin e ditës së rënies së Dëshmorëve të Kombit Ahmet Kaçiku e Vezir Jashari bëhen Homazhe tek varrezat e dëshmorëve. Po në të njëjtën ditë vehet edhe gurthemeli i monumentit (Kullë) dedikuar Dëshmorëve të Kombit të Zonës Operative të Nerodimes. Gurthemeli vendoset në vendin e quajtur Gërkovë mbi fshatin Reçak, pranë Lapidarit ku ka rënë Heroi i Kombit Ahmet Kaçiku.
Me këtë rast edhe Organizata e OVL e UÇK-së ,dega në Ferizaj u ka bërë ftesë qytetarëve, familjarëve të Dëshmorëve të Kombit, Invalidëve dhe Veteranë të UÇK-së që të marrin pjesë.
Bëhet e ditur se në këto dy ngjarje do të marrin pjese edhe zyrtarë të Qeverisë së Kosovës, nga Kuvendi i Kosovës, kryetar komunash dhe përfaqësues të tjerë nga institucionet lokale dhe qendrore!
Kjo është ftesa e lëshuar nga OVL e UÇK-së, dega në Ferizaj
Të nderuar bashkëqytetarë, familjarë të Dëshmorëve të Kombit, Invalidë dhe Veteranë të UÇK-së, në ditën e rënies heroike të Dëshmorëve të Kombit Ahmet Kaçiku dhe Vezir Jashari, ftoheni me datë 19.01.2017 (e enjte) ora 10:00, në Homazhe për në varrezat e Dëshmorëve të Kombit të UÇK-së në Ferizaj.