Ferizaj.05.01.2018. Rektori i Universitetit të Shkencave të Aplikuara në Ferizaj (UShAF), Prof. Dr. Agron Bajraktari, priti sot në takim nënpresidentin e operatorit celular “T-Mobile Austria”, z. Driton Emini, me të cilin biseduan rreth mënyrës së bashkëpunimit mes Universitetit dhe gjigantit telefonik austriak.
Rektori Bajraktari e falënderoi z. Emini që për herë të dytë po qëndron në UShAF dhe për gatishmërinë e tij për të bashkëpunuar. Gjithashtu, e falënderoi për mikpritjen që i bënë T-Mobile Austria gjatë vizitës së tij në Austri, ku pati përvoja të jashtëzakonshme.