Numri dy i Komunës së Ferizajt, nënkryetari Arton Gavazi, këtë mëngjes vizitoi Qendrën Sociale Edukative “Caritas Kosova” në Dubravë të Ferizajt, fshat ky me shumicën e popullatës së komunitetit ashkanli, vizitë kjo që u realizua për të parë nga afër punën dhe shërbimet që kryhen në këtë institucion.
I impresionuar me punën e përkushtimin e stafit në këtë Qendër, nënkryetari Gavazi tha se Komuna e Ferizajt do të ndihmoj e mbështesë këtë institucion në arritjen e objektivave të punës.
“Qendra Sociale Edukative “Caritas Kosova” çdo ditë kontribuon në përmirësimin e mirëqenies socio-ekonomike të komunitetit ashkali në Dubravë, po ashtu kontribuon në lehtësimin e qasjes, si dhe rritjes së pjesëmarrjes së tyre në edukim/arsim, shëndetësidhe asistencë sociale për banorët e këtij lokaliteti. I impresionuar nga puna e mirë në këtë qendër, mbetemi të përkushtuar të vazhdojmë të ndihmojmë realizimin e plotë të objektivave në këtë institucion. Bashkëpunimi me Komunën e Ferizajt ka bërë që Qendra të funksionalizohet në tërësi, dhe nga kjo qendër të përfitojnë të gjithë banorët e Dubravës, duke e kthyer Qendrën në një shtëpi të dytë për të gjithë ata banorë” tha mes tjerash nënkryetari Gavazi.