Ndër aktivitetet e para të Javës së Shëndetësisë ferizajase, në kuadër të 150 vjetorit të themelimit të Ferizajt, ishte edhe aksioni për dhurimin e gjakut në vigjilje të Ditës Botërore të Dhurimit të Gjakut.
Këtij aksioni i priu Kryetari i Komunës së Ferizajt, Agim Aliu bashkë me drejtorin e Shëndetësisë dhe Mirëqenies Sociale, Kemajl Emini, kryetarin e Këshillit organizativ, Dr. Xheladin Reçica, drejtorë komunal e qytetarë.
Në fjalën e tij, kryetari Aliu përgëzoi mantelbardhët për punën e angazhimin për realizimin e aktiviteteve kushtuar 150 vjetorit të themelimit të qytetit, gjersa me fjalë rasti, këtë takim e përshëndeti edhe drejtori i DShMS-së, Dr. Kemajl Emini si dhe kryetari i Këshillit organizativ, Dr. Xheladin Reçica.