Ferizaj 29.01.2017. Këtë të diele fshati Mirosalë falë disa organizatorëve u shndërrua në një qendër skijimi .
Se vullneti dhe puna mund të bëjnë realitet atë që duhet investime dhe mjete tregon shembulli i banorëve të fshatit Mirosalë. Atyre nuk i’u deshtë të ngjiten në Brezovicë e as të shkojnë në Bjeshkët e Rugovës, Ata qendrën e skijimit e improvizuan në fshatin e tyre.
Në lagjen e Bytyqve të rinjtë organizuan gara të skijimit me saja e skija. Në këto gara kanë marrë pjesë grupmosha nga 5 deri 50 vjet .
Këtë organizim e ndihmuan edhe bizneset e fshatit të cilat më këtë rast u falënderuan për përkrahjen që po u japin të rinjve dhe bashkëfshatarëve në qdo aktivitet.
“Qëllimi ishte që të bëhet një socializim i fëmijëve dhe të rinjve . Ishte idea ti largojmë për pak orë fëmijët nga dinamizmi i jetës dhe nga përdorimi i tepërt i internetit. Nga te pranishmit kishte komplimente dhe në fytyrat e të rinjve vëreheshin buzëqeshjet e ngrohta.Te ne tradita do të vazhdon” ka thënë profesori Agim Bytyqi.
Këto gara u përcjellën nga shumë banorë të fshatit përcjellën me entuziazëm dhe kënaqësi,të cilët këtë iniciativë e quajtën si shumë të qëlluar.
Organizatorët për këto gara kishin paraparë edhe mirënjohje me ç’rast u nderuan tre vendet e para në tre kategori të këtyre garave.
Garat kanë kaluar pa asnjë incident falë përkujdesjes së organizatorëve .