Burri 55-vjeçar britanik, i cili ende nuk është identifikuar, u ndalua në Chichester nga policia e cila kishte qenë në ndjekje të jahtit të tij. Por përveç akuzës për vrasje në Spanjë, ai u arrestua edhe për lehtësimin e emigracionit të paligjshëm. 17 shqiptarët gjithashtu u arrestuan si të dyshuar për kalim në mënyrë të paligjshme në Mbretërinë e Bashkuar.
Jahti kishte lundruar nga Franca dhe po kalonte në ishullin Wight të hënën pasdite, kur njësia e flotës detare ishte vënë në kërkim të britanikut. Autoritetet spanjolle kishin lëshuar urdhër ndërkombëtar arresti për vrasësin britanik.
Një zëdhënës i Ministrisë së Brendshme britanike, deklaroi se “jemi duke bashkëpunuar ngushtësisht me partnerët tanë për të zbuluar dhe ndaluar çdo përpjekje për të hyrë ilegalisht në Britani, ndërkohë që objektivi ynë janë edhe grupet kriminale që qëndrojnë pas këtyre kalimeve ilegale”.
Edhe pse autoritetet britanike të emigracionit kanë forcuar kontrollet, fakt mbetet se shumë shqiptarë arrijnë të hyjnë ose rihyjnë ilegalisht në Britani, madje përmes formave më të sofistikuara dhe luksoze, për të mos ngjallur dyshime.
The post Në kërkim të vrasësit britanik, policia gjen 17 emigrantë shqiptarë në jaht appeared first on Lajminet.