Ferizaj.28.03.2018. Aksioni i iniciuar nga Kryetari i Komunës së Ferizajt, Agim Aliu për rritjen e kontrollit ndaj produkteve të ofruara në treg nga subjekte të ndryshme afariste dhe i zbatuar nga Inspektorati Komunal ka rezultuar me konfiskimin dhe asgjësimin edhe të afro 200 kg mish dhe nënprodukte të mishit të prishura, dëmtuara dhe skaduara.
Me këtë rast, qeverisja lokale e udhëhequr nga Kryetari i Komunës, Agim Aliu siguron qytetarët ferizajas se autoritetet lokale përmes inspektoratit komunal, në vazhdimësi po bëjnë kontrollin e produkteve të ofruara në treg, cilësisë së tyre dhe kushteve higjeno-sanitare në subjekte afariste.
Aksione kontrolli po zhvillohen edhe për produkte të tjera, mosplotësimi i standardeve dhe kushteve higjieno-sanitare të së cilave mund të dëmtoj shëndetin e qytetarëve. Inspektorati Komunal ka shtuar kapacitetin e tij veprues në terren, duke u shtrirë në gjithë territorin e Komunës së Ferizajt, me qëllim që qytetarëve të komunës sonë t’i garantoj produkte cilësore të cilat ofrohen në treg. Një aksion i ngjashëm është ndërmarr edhe para pak ditësh i cili ka rezultuar me konfiskimin dhe asgjësimin e afro 1 ton mish dhe nënprodukte të mishit të prishura, skaduara dhe dëmtuara.