Lajme

Në 18 vjetorin e masakrës në Krushë, Thaçi fton drejtësinë të hetojnë vrasjet dhe masakrat

By FerizajPress

March 26, 2017

Ndërkaq, ai ka kërkuar nga organet e drejtësisë që sa më parë të hetojnë vrasjet dhe masakrat kudo të ndodhura në Kosovë.

“Një ndër krimet më të mëdha të shtetit të Serbisë kundër popullatës civile shqiptare ndodhi më 25, 26 dhe 27 mars 1999 në Krushë të Madhe të Rahovecit. Forcat ushtarake dhe policore serbe vranë mbi 243 persona: fëmijë, të rinj, të reja, gra, burra dhe pleq”, ka thënë Thaçi.

“Edhe në këtë përvjetor shpreh dhembjen për familjet që pësuan rëndë nga ushtrimi i dhunës shtetërore serbe në vitet 1998 -1999”, shprehet më tej ai.

“Njëkohësisht inkurajoj sërish organet e drejtësisë që sa më parë të hetojnë këto vrasje dhe masakra kudo në Kosovë”, u shpreh presidenti Thaçi.