Një ngjarje aspak e zakontë ka ndodhur këtë javë në Wiscnonsin të Shteteve të Bashkuara.
Në një ndeshje në kategorinë e femrave në futboll, njëra skuadër la fushën e lojës për shkak të thirrjeve raciste që po bënin shikuesit nga tribunat, përcjell Gazeta Blic.
Sipas raportimeve nga mediat amerikane, ekipi i vajzave të Beloit Memorial la fushën e lojës të enjten, kur femrave latine dhe atyre me ngjyrë po u drejtoheshin thirrje si “Donald Trump, të lutem ndërtoje murin”.
Këto thirrje i referoheshin idesë së Donald Trump për të ngritur murin gjigant të cilin ai kishte premtuar se do ta ndërtojë në rast se e fiton presidencën e Shteteve të Bashkuara, i cili do t’u ndalonte hyrjen ilegale meksikanëve dhe racave tjera. /Gazeta Blic/