“Do ndihesha krenare dhe e lumtur po të isha deputete e Klinës, vendlindjes sime, por vetëm rreth 350 qytetarë të Klinës kanë besuar në mua, besimin më të madh e kam marrë nga qytetarët e Prishtinës”, ka shkruar ndër të tjera, kryetarja e Lëvizjes Vetëvendosje në Klinë, Shqipe Pantina, njëherësh deputete e Kuvendit të Kosovës, transmeton lajmi.net.
Mirëpo, deputetes Pantina, nuk i ka vonuar shumë dhe i ka ardhur edhe kundërpërgjigjja tjetër nga përfaqësuesja e organizatës “Familja dhe Shpresa” nga Klina, Elona Bytyqi.
“Meqë paske marrë më shumë vota në Prishtinë sesa në Klinë, si ndodhi që je pikërisht kryetare e Degës së VV-së në Klinë, e jo e degës së VV-së në Prishtinë?”, ka pyetur ajo.
Bytyqi i ka treguar deputetes Pantina, e cila politikisht kishte ngritur dyshime në bashkëpunimin e sinqertë të saj, se qytetarët nuk janë partnerë të saj dhe as parti politike për bashkëpunim.
Porse, ata kanë pasur një kërkesë shumë të qartë për deputetët e Klinës në Kuvendin e Kosovës, përkatësisht për Patinën, Kalludrën dhe Selimin./lajmi.net/
.