Sot, në hapësirat e Palestrës së Sporteve “Bill Clinton” në Ferizaj u zhvillua aksioni për shpërndarjen e 300 pakove ushqimore dhe higjienike për familjet nevojtare nga Shoqata Bamirëse “Jetimat e Ballkanit” në bashkëpunim me Qendrën për Punë Sociale në Ferizaj.
Agon Zhinipotoku nga Shoqata Bamirëse “Jetimat e Ballkanit” tha se ky kontigjent i pakove ushqimore dhe higjienike, është shpërndarë tek 300 familjet më në nevojë e me kushte të rënda ekonomike në Ferizaj, përzgjedhjen e së cilave është bërë në bashkëpunim me Qendrën për Punë Sociale në Ferizaj. Ai shtoi se ky aksion i zhvilluar në Muajin e Shenjtë të Ramazanit, do të vijoj për t’i dalë në ndihmë familjeve nevojtare ferizajase.
Komuna e Ferizajt për këtë aksion shpreh falënderim publik për Shoqatën Bamirëse “Jetimat e Ballkanit” dhe humanistij Halil Kastrati që vazhdueshëm ka ndihmuar e po ndihmoj familjet në nevojë në Ferizaj.