Gjatë paradites së sotme me homazhe është nderuar jeta dhe vepra e dëshmorëve të kombit Sadik Bega-Mortaja dhe Driton Islami-Toni. Në homazhe mori pjesë edhe Kryetari i Komunës së Ferizajt, Agim Aliu, i shoqëruar nga nënkryetari Naim Ferati, deputeti i Parlamentit të Republikës së Kosovës, Elmi Reçica, përfaqësues të Shoqatës së Familjeve të Dëshmorëve të UÇK-së, përfaqësues të Organizatës së Veteranëve të Luftës së UÇK-së, invalidë të luftës si dhe shumë qytetarë të tjerë. Me këtë rast, Luan Jahiri nga Organizata e Veteraneve të luftës së UÇK-së , ka vlerësuar tejet lartë kontributin e dëshmorëve, duke cilësuar veprën e tyre si të pavdekshme. Me homazhe janë nderuar edhe 62 dëshmorët të tjerë të Komunës së Ferizajt.