Është ndarë nga jeta veterani i UÇK-së nga fshati Mirash i Ferizajt, Vehbi Lohaj.
Me këtë rast, përmes telegramit, Kryetari i Komunës së Ferizajt, Agim Aliu i shpreh ngushëllime të sinqerta familjes Lohaj, bashkëluftëtarëve e të gjithë të njohurve të të ndjerit.
“Me dhembje morëm lajmin se aksidentalisht, humbi jetën veterani i UÇK-së, Vehbi Lohaj. Ai u nda përjetësisht nga bota e të gjallëve, porse vepra e kontributi i tij atdhetar në luftën çlirimtare do të rrojnë përgjithnjë. Ngushëllime të sinqerta familjes Lohaj, bashkëluftëtarëve, miqve e të njohurve të të ndjerit. I qoftë i lehtë dheu i Kosovës” mbyllet telegrami i ngushëllimit.