Kryeministri i Kosovës, Isa Mustafa, i cili po merr pjesë në mbledhjen e Këshillit Nacional për Zhvillim Ekonomik, ka thënë se që nga marrja e mandatit në krye të qeverisë, është përballë me pengesa të shkaktuara nga opozita
Sipas tij, përkundër pengesave për Asociacionin e komunave me shumicë serbe dhe demarkacionit kufitar me Malin e Zi, nuk e ka lënë asnjëherë mbrapa zhvillimin ekonomik.
“Përkundër këtyre sfidave, përballjes me gaz lotsjellës e molotov, kemi pasur rritje ekonomike”, tha Mustafa, duke përmendur rend të arriturat e Kosovës.
Kreu i ekzekutivit të vendit, tha se qeveria që ai drejton ka bërë disa reforma si dhe ka nënshkruar edhe Marrëveshjen e Stabilizim Asociimit të njohur si MSA-në.
“Jemi në rrugë shumë të mirë për realizimin e Termocentralit ‘Kosova e Re’ e cila do zgjidh problemin me furnizim të energjisë elektrike”, tha Mustafa, duke shtuar se qeveria do të përkrah investimet në zonat ekonomike.
Ai shtoi se Kosova nga vlerësimi i Bankës Botërore, për kushtet e të bërit biznes, nga nota 2.6 ka marr notën 4.6, derisa nota maksimale është 6.