Por, në Divizionin për shtetësi në këtë ministri mohojnë se ka proceduar të tilla, duke thënë se nuk po respektohen procedurat e ligjit për të huajt, gjë që sipas tyre të njëjtat i kërkon edhe ligji për shtetësi.
Pranojnë se ka ankesa të shumta nga qytetarët të cilët kanë hasur në vështirësi për të marrë shtetësinë. Liridon Neziri thotë se nuk po respektohen kriteret e ligjit për të huajt.
“Rasti i ankesave për marrjen e shtetësisë së Republikës së Kosovës, nuk ka procedura burokratike por ka procedura ligjore për të cilat ne jemi të angazhuar maksimalisht që t’i respektojmë. Rastet e tilla janë kryesisht te palët që pretendojnë se jetojnë në territorin e Republikës së Kosovës dhe qëndrimi i tyre nuk është në përputhje me ligjin për të huajt, pra qëndrimi i tyre nuk konsiderohet qëndrim legjitim”, tha Neziri për RTV21.