Jose Mourinho duket se nuk do të marrë drejtimin e United.
Sipas asaj çfarë shkruajnë mediat në Itali, Jose Mourinho nuk do të jetë trajneri i ardhshëm i Manchester United.
Unitedi në vend të Mourinhos do ta emërojë Ryan Giggs në rolin e trajnerit, përcjell Gazeta Blic nga “Corrierre dello Sport”
Portugezi 53-vjeçar shihej si kandidati favorit për ta zëvendësuar Van Gaalin në verë, mirëpo duket se në vendin e tij do të emërohet legjenda e klubit, Ryan Giggs.
Për Mourinhon, interesim raportohet se ka shfaqur Paris Saint-Germain, i cili thuhet se është i gatshëm ta emërojë atë si trajnerin e ri.
Përveç PSG, interesim për portugezin ka shfaqur edhe Real Madrid, i cili thuhet se e dëshiron rikthimin e tij në ‘Santiago Bernabeu’
Presidenti i Real Madrid, Florentino Perez, thuhet se e dëshiron ribashkimin me Mourinhon, tri vite pasi e kishte shkarkuar atë nga pozita e trajnerit. /Gazeta Blic/