Komisioni Komunal për Regjistrimin e Popullsisë dhe Ekonomive Familjare, takoi sot kryetarët e fshatrave dhe zonave urbane me qëllim informimin mbi ecurinë e procesit të regjistrimit si dhe ndërmarrjen e hapave të përbashkëta me qëllim që ky proces të përmbyllet suksesshëm.
Albion Sherifi nga Komisioni Komunal i Regjistrimit të Popullsisë dhe Ekonomive Familjare, bashkë me Bahri Sejdiun udhëheqësin e Zyrës së ASK-së në Ferizaj, Fitore Qorrollin nga ASK dhe Shkurte Tahiri nga ky Komision, dhanë sqarimet dhe udhëzimet e nevojshme përkitazi me këtë proces.
Në anën tjetër kryetarët e fshatrave dhe zonave urbane parashtruan pyetjet dhe komentet si dhe ofruan bashkëpunimin e plotë në këtë proces.