Mesazhet private, të cilat mund të zhduken pas një periudhe kohe të caktuar, është ideja me e re e Facebook. Facebook është duke eksperimentuar një opsion të ri, për ata që përdorin aplikacionin e saj, Messenger.
Mesazhet e dërguara mund të fshihen pas një periudhe të caktuar kohore, të përzgjedhur nga autori, tha Facebook.
Dërguesit duhet të zgjedhin një pajisje për të përdorur shërbimin, pasi mesazhi i dërguar në këtë mënyrë ruhet në vetë pajisjen.
Facebook tha “Fillimi i një bisede të fshehtë me dikë është opsionale”.”Bisedat sekrete mund të lexohen vetëm në një pajisje dhe ne e pranojmë se ky shërbim mund të mos jetë i drejtë për të gjithë.”
Facebook listoi çështjet financiare dhe shëndetin si shembuj të mesazheve që njerëzit mund të dëshirojnë t’i mbajnë më shumë private, ndërsa të tjerët kanë përmendur aferat e dashurisë.
Ndër të tjera Facebook ka bërë me dije se ideja e saj është duke u përballur me shumë kufizime, pasi për momentin risia e saj nuk vlen për dërgimin e videove dhe të dhuratave. Shërbimi do të jetë në dispozicion për përdoruesit gjatë verës.