Kryetari i Bashkimit Demokratik për Integrim, Ali Ahmeti megjithatë do të marrë pjesë në ceremoninë e inaugurimit të Hashim Thaçit, si president i Kosovës. Kështu i kanë thënë Gazetës Blic, burime të afërta me Hashim Thaçin.
“Pavarësisht pse mediet sot raportuan se Ali Ahmeti nuk do të jetë i pranishëm në ceremoninë e së premtes, ai e ka konfirmuar ardhjen e tij”, tha ky burim i Gazetës Blic.
Gjatë ditës së sotme disa medie raportuan se Ali Ahmeti nuk do të marrë pjesë në këtë ceremoni, gjë që u pa nga opinion si lajm i befasishëm, kur dihet afërsia e dy liderëve.
Ndërkohë, në këtë ceremoni janë ftuar liderë të shumtë jo vetëm nga rajoni, por dhe më gjerë./ Gazeta Blic