Ferizaj.07.06.2016– Në kuadër të Ditëve të Kulturës në Bibliotekën e qytetit u organizua aktiviteti kulturorë “Me Kadarenë”
Në këtë aktivitet morën pjesë edhe Prof Dr.Qibrije Demiri-Frangu , Profesor Gëzim Aliu dhe shumë dashamirë të fjalës së shkruar .
Drejtoresha e Bibliotekës Teuta Demiri tha se ky organizim është bërë për të shënuar rëndësinë e këtij krijuesi i cili, siç tha ajo, është shkrimtari , veprat e të cilit më së shumti kërkohen të lexohen në këtë bibliotekë.
Ndërsa profesoresha Dije Demiri-Frangu tha se Kadare është një nga krijuesit i cili jetoi dhe krijoi në dy sisteme shoqërore.
“Në kohën kur Kadare krijoi nuk ishte e lehtë prandaj ai zgjodhi që tu ik temave socialiste përmes temave historike,duke filluar nga koha e Skënderbeut dhe temave me Kanunin. Por bazuar në thënien se “kush noton në një lum të ndotur vështir është të dalësh i pastër”, por Kadare zakonisht ai ka provuar tu ik shkrimeve me motive politike ,siç kanë bërë shkrimtarë të kohës.Ne Kadarenë do te duhej ta kemi frymëzim të vazhdueshëm dhe është shkrimtarë që e ka ndërruar imazhin shqiptarë dhe është një emblemë kombëtare” tha Dije Demiri-Frangu.
Me këtë rast edhe profesori Gëzim Aliu, i cili edhe është marrë me studimin e veprës së Kadaresë, mbajti një ligjëratë për vlerat krijuese dhe meritave të tij në krijimin e identitetit të letërsisë shqipe.