Në kuadër të aktiviteteve të policisë në bashkësi, gjatë këtij muaji është implementuar projekti,,Garat me biçikleta” ku kanë marrë pjesë një numër i konsiderueshëm i nxënësve të shkollave fillore nga komunat Ferizaj,Kaçanik,Shtime dhe Hani i Elezit.
Qëllimi i këtij projekti ka qenë vetëdijesimi i nxënësve ,si dhe sensibilizimi mbi rreziqet me të cilat ballafaqohen ata gjatë rrugëtimit të tyre shtëpi-shkollë dhe anasjelltas.
Projekti është implementuar fillimisht me ligjërata nëpër shkolla,mandej nga ana e stafit të shkollave janë përzgjedhur nxënësit të cilët ju kanë nënshtruar testit me shkrim mbi njohuritë në komunikacion,shenjat e trafikut etj.dhe në fund me 10.06.2016 ,në Ferizaj,te halla e sporteve ,,Bil Klinton” është mbajtur pjesa praktike e garës me biçikleta, ku kanë marrë pjesë 20 nxënës-garues duke prezantuar aftësitë e tyre.
Pas përfundimit të garave, komisioni i përbërë prej përfaqësuesve të PK-së, arsimtarëve dhe prindërve,në bazë të rezultateve të arritura si në pjesën teorike dhe ate praktike,ka shpalur fituesit e kësaj gare në nivel rajonal:
Vendi i I – Denisa Shehu, ShFMU,,Jeta e re”,fshati Greme,Ferizaj-dhuratë një biçikletë
Vendi i II-Denis Azemi , ShFMU ,,Vezir Jashari” Ferizaj,dhuratë një kupë
Vendi i III-Fidan Vishi,ShFMU ,,Emin Duraku” Kaçanik,dhuratë një kupë
Gjatë realizimit të këtij projekti,bashkëpunimi me Drejtoritë komunale të arsimit,drejtorët e shkollave dhe arsimtarët ka qenë i jashtëzakonshëm dhe besojmë se edhe në të ardhmen do të bashkëpunojmë në projekte të tjera në interes të nxënësve.