Maqedonia vijon ta njohë Shqipërinë si Republikë Popullore. Në tabelat rrugore që të çojnë në pikën kufitare të Tushemishtit shkruhet “Republika Popullore e Shqipërisë”.
Tabelat treguese që çojnë drejt kufirit shqiptar ende mbeten të tilla dhe nuk kanë pësuar ndryshime që nga koha e komunizmit, përcjell INA.
Në udhëkryqin Shën Naum – Tushemisht ende qëndrojnë tabelat-udhëtreguesit e asaj periudhe, në të cilat shkruhet “N.R.Albanija” (R.P. e Shqipërisë), emërtim i dikurshëm i shtetit shqiptar.
Ndërkohë, nga Tirana zyrtare nuk ka ende asnjë reagim për këtë çështje.
Ndërkaq, autoritetet maqedonase në fillim të kësaj jave bënë ndërhyrje emergjente për heqjen e tabelave shqip në territorin e komunës Vevçanit, pas reagimeve të kësaj komune maqedonase.