I pari i qeverisë, Ramush Haradinaj pas mbledhjes së qeverisë ka komentuar deklaratat e presidentit të vendit, Hashim Thaçi lidhur me ndryshimin e kufijve në mes të Kosovës dhe Serbisë, shkruan “Zëri.info”.
Ai në një koment para gazetarëve tha që të gjithë duhet ta mbrojnë kushtetutën e Kosovës e jo të flasin për kufijtë pa mandat.
“Nuk besoj që Thaçi mu ka referuar mua dhe nuk besoj që asnjëherë të më referohet për ndonjë gjë. Detyrë e jona është ta mbrojmë kufijtë dhe integritetin e shtetit e jo të bisedojmë për kufijtë pa mandat nga Kuvendi apo nga populli. Mënyra për të ecur para me marrëveshjen me Serbinë është të jetë paqësore”, ka thënë Haradinaj.