Dega e Lidhjes Demokratike të Kosovës në Ferizaj ka shënuar sot 29 vjetorin e themelimit dhe veprimtarisë së sajë.
Udhëheqës e anëtarë kanë rikujtuar aktivitetin për gati tri decenie të kësaj partie e cila u formua në një moment të ndieshëm të historisë së re për shqiptarët e Kosovës.
Kryetari i degës së LDK-së në Ferizaj Muharrem Sfarqa tha se këtij rrugëtimi të gjatë e të vështirë nuk i’u ndanë as ferizajasit. Sipas tij ky subject politik i ka kontribuuar shumë forcimit të vlerave demokratike qytetëruese duke qenë bartëse edhe e proceseve të rëbdësihsme për vendin.
“Përvjetorin e 29-të Lidhja demokratike e Ferizajt e prêt me një organizim të brendshëm solid, e gatshme të marr mbi supe detyra dhe përgjegjësi që i kërkohet e që i takojnë. Dega e Lidhjes Demokratike e Kosovës për Ferizaj aktualisht po luan rolin e një opozite të fuqishme duke mbajtur nën vëzhgim dhe duke u përpjekur të korigjojë dështimet e njëpasnjëshme të pushtetit dhe duke ofruar alternative të mbështetura me argument dhe ekspertiza të brendshme për zgjidhjen e problemeve të shumta me të cilat vazhdojnë të ballafaqohen qytetarët e Komunës së Ferizajt” ka thënë Muharrem Sfarqa.
Anëtari i kryesisë së LDK-së, Lutfi Zharku tha se historia e LDK-së është histori e Kosovës dhe si e tillë paraqet pasuri kombëtare.
“LDK-ja vetëm njëherë udhëhoqi vendin me Kryeministrin Isa Mustafa dhe dëshmoi se si ndërtohet vendi dhe institucionet. Qeverisja e LDK-së ndërtoi shtet të së drejtës, administratë efikase, transparent, siguroj zhvillim ekonomik përmes përkrahjes së sektorit privat dhe arsim dhe shëndetësi cilësore. Me qeverisjen e LDK-së, Kosova ishte shumë më e mirë, më e ndërtuar, më e rregulluar, më e pasur, më e zhvilluar” ka thënë Zharku.
Kryetari i LDK-së Isa Mustafa i ka përshëndetur të pranishmit përmes një telegram urimi.
Në ceremoninë e shënimit të 29 vjetorit të themelimit të LDK-së, degës në Ferizaj, për kontribut shumvjeçarë dhe të përkushtuar me çmimin “Ibrahim Rugova” u nderua Hava Berisha.
Poashtu kryesia e degës së LDK-së në Ferizaj u ndau mirënjohje disa veprimtarëve dhe aktivistëve që kontribuuan për shumë vite për LDK-në dhe shtetësinë e Kosovës.
Manifestimi u mbyll me një program artistik.