Pasioni për natyrën përkthehet edhe si kujdes ndaj saj, me këtë motiv, aktivistë të Shoqatës Bjeshkatare Alpiniste “Kastrioti” në Ferizaj, të mbështetur nga Komuna e Ferizajt, Kryetari Aliu, nën asistimin e zyrtarëve të Drejtorisë së Shërbimeve Publike dhe Emergjencë, ndërmarrjeve “Pastërtia” dhe “Ambienti” , KFOR-it amerikan, Kuvendit të të Rinjve, arritën që ta realizojnë me sukses aksionin “Ta pastrojmë Jezercin” me ç’rast u grumbulluan mbi 400 thasë të mbeturinave nga aktivistë të shumtë të Shoqatës.
Ky aksion patjetër se duhet duartrokitur, si një nismë për mbrojtjen e natyrës e që patjetër në thelb ka mesazhin e vetëdijësimit e apelit për mbrojtjen e perlave natyrore, siç është peisazhi natyror i Jezercit.