Ish-ministri i Qeverisë së Kosovës, Aleksandër Jabllanoviq pas ofendimeve ndaj nënave gjakovare bëri edhe një provokimi të ri.
Ai dje ka qëndruar në Koshare ku ka vendosur kurorë për ata që ai i quajti “heronj të Serbisë”, të cilët u vranë në luftimet me UÇK-në në vitin 1999, raporton Indeksonline
“Këtu kanë rënë 108 pjesëtarë të Ushtrisë Serbe dhe sot në emër të Ministrisë për punë, punësim dhe çështje sociale kemi vënë kurorë dhe u kemi bërë nderime pas 17 vjetësh heronjve që e mbrojtën atdheun e tyre”, ka thënë Jabllanoviq.
Mirëpo, nuk kanë shkuar as 24 orë kur në vend të këtyre luleve është zëvendësuar flamuri kombëtar.
Ja disa pamje ku shihet shtëpia e shkatërruar, ku zyrtari i Qeverisë së Serbisë vendosi lule pranë saj.