Një ngjarje e pazakontë ka ndodhur në Itali, me protagonist një shqiptar. 39-vjeçari, identiteti i të cilit nuk është bërë me dije, kishte inskenuar me një video vetëvrasjen pas ndarjes nga e dashura dhe më pas ia kishte dërguar.
Ai shfaqej me armë në kokë duke i shprehur fjalë prekëse. Shqiptari i kishte thënë: Lamtumirë dashuria ime”. Vajza, shumë e tronditur nga videoja që i kishte dërguar ish i dashuri i saj, kishte njoftuar menjëherë policinë.
Efektivët janë gjendur menjëherë në shtëpinë e shqiptarit dhe e kanë gjetur shëndoshë e mirë. Pas një kontrolli në banesë i sekuestruan armën tip “Glock” gjysmë automatike që kishte përdorur në video dhe fishekë të kalibrit 38. 39-vjeçari ka përfunduar në pranga.