Pasi mbrëmë paralajmëroi për një vizitë në familjen në lagjen e Kuvajtit në Podujevë, këngëtari, tanimë kandidati i Aleancës Kosova e Re për kryetar të Ferizajt, Labinot Tahiri, sonte e ka realizuar atë në familjen e Bajram Ademit. Njërën nga vajzat e kësaj familje e kishin sulmuar qentë para pak ditësh, kurse familja nuk kishin para për ta shëruar, duke marrë parasysh edhe kushtet e mjerueshme në shtëpinë që jetojnë.
Kjo e ka shtyrë këngëtarin dhe njëkohësisht kandidatin e AKR-së për kryetar të Ferizajt, që t’i dalë në ndihmë edhe familjes Ademi.
Ai ka thënë se ndërtimi i shtëpisë do të nis më 7 mars, kurse donacion për këtë rast kanë dhënë edhe persona tjerë të vullnetit të mirë nga Peja, dhe nga diaspora.
Kurse Komuna e Podujevës i ka ndarë tre ari tokë për ndërtimin e shtëpisë.